finance · BBC ↗

'Trafodaethau cychwynnol' dros gau'r Amgueddfa Genedlaethol ar gyfer gwaith atgyweirio

BBC Published Jun 29, 2026 Reviewed Jul 3, 2026 ✓ Reviewed by citations.press editors

In the previous year, the institution received the majority of its funding from the Welsh Government, mainly via grants worth £27.2m.

27.2 million · Welsh Government grants

The National Museum Cardiff was closed for a few days in February last year for urgent maintenance work.

The PCS union, representing 188 staff, began discussions with the employer about the potential impact of closing the National Museum Cardiff.

188 staff · PCS union members

In 2024, Amgueddfa Cymru confirmed it had £60m of essential maintenance work needed across its sites over the next decade.

60 million · essential maintenance work

The National Museum Cardiff welcomed 1.4 million visitors to its sites in the 2025/26 reporting year.

1.4 million · visitors

The National Museum Cardiff’s general director warned that the building could close again in the future due to deteriorating structural condition.

Staff costs accounted for the largest proportion of Amgueddfa Cymru’s expenditure, according to a November 2025 audit report.

The workforce size had already decreased by around 25% following a voluntary redundancy scheme between January and March 2024, alongside staff departures in 2024/25.

about 25 % · workforce size reduction

Mae undeb gweithwyr wedi dweud eu bod mewn "trafodaethau cychwynnol" ynglŷn â'r posibiliad o gau Amgueddfa Genedlaethol Caerdydd ar gyfer gwaith atgyweirio.

Dywedodd undeb y PCS eu bod nhw'n deall fod Amgueddfa Cymru, sy'n rhedeg y safle, yn "ystyried y posibiliad" o gau dros dro ond nad oedd "penderfyniad terfynol wedi ei wneud".

Bu'n rhaid i'r adeilad gau am ychydig ddyddiau ym mis Chwefror y llynedd ar gyfer "gwaith cynnal a chadw brys", gyda'r cyfarwyddwr cyffredinol yn rhybuddio y gallai hynny ddigwydd eto yn y dyfodol oherwydd bod cyflwr yr adeilad yn dirywio.

Dywedodd Amgueddfa Cymru y byddai unrhyw benderfyniad i gau'r adeilad dros dro "yn destun adolygiad ac ymgynghoriad llawn".

Yn dilyn sôn ar y cyfryngau cymdeithasol am ddyfodol Amgueddfa Genedlaethol Caerdydd, dywedodd undeb sy'n cynrychioli 188 o staff eu bod nhw wedi dechrau trafod gyda'r cyflogwr ynglŷn ag effaith posib cau'r adeilad.

Mewn datganiad i'r BBC fe ddywedodd y PCS eu bod nhw'n trafod "yr effaith ar staff, gwarchod y casgliadau, a ffordd yr amgueddfa o weithio yn y dyfodol".

Ond fe ychwanegodd yr undeb nad oedd pwrpas "dyfalu ynghylch faint o amser allai'r lle gau, na'r goblygiadau i'n haelodau, nes bod y trafodaethau hynny wedi symud ymlaen".

Fe wnaeth Amgueddfa Cymru, sy'n gyfrifol am saith amgueddfa genedlaethol a chasgliadau ar draws y wlad, groesawu 1.4m o ymwelwyr i'w safleoedd yn ôl adroddiad ar gyfer 2025/26.

Mae'r sefydliad yn derbyn rhan fwyaf ei gyllid gan Lywodraeth Cymru, yn bennaf drwy grant – oedd werth £27.2m y llynedd.

Bu'n rhaid i'r adeilad gau am ychydig ddyddiau ym mis Chwefror y llynedd ar gyfer "gwaith cynnal a chadw brys"

Yn 2024 fe gadarnhaodd Amgueddfa Cymru fod ganddyn nhw werth £60m o waith cynnal a chadw "hanfodol" roedd angen iddyn nhw ei wneud i'w safleoedd dros y degawd nesaf.

Yn ôl adroddiad archwilio ym mis Tachwedd 2025, costau staffio oedd yn gyfrifol am ganran uchaf gwariant Amgueddfa Cymru.

Mae maint y gweithlu eisoes wedi lleihau o tua 25% yn dilyn cynllun diswyddo gwirfoddol rhwng Ionawr a Mawrth 2024, yn ogystal â staff yn gadael yn 2024/25.

Ond mae rhybuddion wedi bod am gostau cynyddol oherwydd ffactorau economaidd, gostyngiad yn eu cyllideb mewn termau real, a rhybudd blaenorol y gallai'r Amgueddfa Genedlaethol orfod cau oherwydd cyflwr yr adeilad.

Mewn datganiad fe ddywedodd llefarydd ar ran Amgueddfa Cymru: "Mae cynnal a chadw adeilad hanesyddol o oed, maint a chymhlethdod Amgueddfa Genedlaethol Caerdydd yn her barhaus.

"Gyda'r amgueddfa yn cyrraedd ei chanmlwyddiant y flwyddyn nesaf, rydym yn edrych ar opsiynau posib ar gyfer gwella ac ailddatblygu, er mwyn cynnal a gwarchod yr adeilad a gwella'r profiad i'n hymwelwyr, gan sicrhau ei fod yn addas ar gyfer cenedlaethau'r dyfodol.

"Mae'n ddyddiau cynnar i'r cynlluniau nodedig hyn, ac maen nhw'n destun sawl cam o achosion busnes a fframweithiau cynllunio – felly does dim penderfyniadau wedi cael eu gwneud eto.

"Byddai unrhyw benderfyniad i gau adeilad yr amgueddfa dros dro am unrhyw gyfnod o amser yn destun adolygiad ac ymgynghoriad llawn gyda'n staff, gwirfoddolwyr, ymwelwyr a'r gymuned ehangach, ac yn cael ei gadarnhau gan fwrdd yr ymddiriedolwyr.

"Yn y cyfamser, rydym wedi penodi tîm dylunio'n ddiweddar sy'n golygu bod gwaith cynnal a chadw sydd ei angen nawr yn gallu digwydd o ddifrif, a bod opsiynau i'r dyfodol yn gallu cael eu hystyried, gan roi'r amgueddfa yn y lle gorau posib i symud ymlaen gyda gwaith ehangach os yw hyn yn digwydd yn y dyfodol."

Mewn datganiad fe ddywedodd Llywodraeth Cymru: "Rydym yn ymwybodol o honiadau ar y cyfryngau cymdeithasol ynghylch yr amgueddfa.

"Mae'r amgueddfa wedi ei gwneud hi'n glir nad oes penderfyniadau wedi cael eu gwneud ar yr opsiynau posib ar gyfer adnewyddu, a bydd unrhyw benderfyniad ar opsiynau yn dibynnu ar nifer o ffactorau gan gynnwys ymgynghoriad llawn."

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.

This article was originally published by BBC ↗. citations.press indexes the source-backed facts above and links to the original. Something wrong? Corrections policy · Report an error